Ollu váhnemat vásihit ahte sáhtá leat váttis háleštit mánáiguin seksualitehta birra. Dát girji lea oaivvilduvvon leat álgun ságastišgoahtit seksualitehta birra, muhto maiddái gáldun gos oahppá seksualitehta, rupmaša ja gaskavuođaid birra, girji lea heivehuvvon mánáide geat leat 4 jagi ja dassážii go leat skuvlaagis. Sáhttá áinnas lohkat girjji dan láhkai ahte ii guoskkat juohke fáttá ovtta lohkamis. Danin go dán girjjis leat ollu fáttát, mánáid seksualitehtas rávisolbmuid seksualitehtii, ja eanet oppalaš fáttát nu mo identitehta ja ahtanuššan. Sáhttá leat buorre várret áiggi logadettiin háleštit veahá mánáin daid iešguđetlágan fáttáid birra. Lea go fáddá man birra mánná lea gullan ovdal, leat go mánás jearaldagat fáttá ektui? Girji sáhttá leat ávkin vai mánnái šaddá oadjebas ja lunddolaš oktavuohta iežas rupmašii ja seksualitehtii. Oadjebas mánát sáhttet hállat seksualitehta birra heahpaneami haga, ja nagodit suokkardit geat sii ieža leat, ja sii leat dihtomielalaččat iežaset persovnnalaš rájáid ektui.

Girjjis gieđahallojuvvo fáddá ahte gávdnojit rávisolbmot geat loavkašuhttet mánáid rájáid. Mii čilget konkrehtalaččat maid rávisolbmuin ii leat lohpi dahkat mánáid vuostá. Jus mánná diehtá rávisolbmuid birra geat loavkašuhttet mánáid dahje vásihit dan ieža, de sii dalle ožžot giela dása ja áddejit mii dáhpáhuvvá. Jus ii oktage hála mánáiguin seksuálalaš veahkaválddi birra, de eai nagot áddet mii geavvá jus ieža dan vásihit. Girjji fáttát láhčet muhtin mánáide vejolašvuođa muitalit juoga mii sidjiide leat dehálaš. Sáhttá geavvat ahte mánná logadettiin muitala juoidá mii lea váttis ja maid sii ieža leat vásihan. Jus dat geavvá, de lea dehálaš ahte rávisolmmoš gii lohká mánáin, gierdá gullat maid mánná muitala. Jeara áinnas eanet jearaldagaid dahje siđa muitalit eanet, nanne máná dovddu ja áimmahuša máná dilálašvuođas.

Girjjis deattuhuvvojit fáttát nu mo persovnnalaš ráját lagašvuođa hárrái ja riekti ieš mearridit iežas rupmaša badjel. Ráját leat dehálaččat seksuálalaš ovdánahttimis man juohke mánná vásiha. Mánná oahppá ahte eará mánát mearridit iežaset rupmaša badjel ja ahte mánná ieš mearrida iežas rupmaša badjel. Jus ovdamearkka dihte lea liikostan ja nubbi háliida cummestit ja nubbi ii hálit, de galgá leat ortnegis dadjat ahte ii hálit cummestit. Jo dalle go mánát leat ovdaskuvlaagis sáhttit mii oahpahit miehtama birra ja ahte persovnnalaš rájáid galgá doahttalit.